خیبر پختونخوا کے ضلع شمالی وزیرستان میں سیکیورٹی فورسز نے دو الگ الگ آپریشنزمیں بھارتی حمایت یافتہ 7 خارجیوں کو جہنم واصل کر دیا ۔
آئی ایس پی آر کے مطابق خوارج کی موجودگی کی اطلاع پر سیکیورٹی فورسز نے میر علی میں آپریشن کیا، شدید جھڑپ میں چھ خوارج مارے گئے۔ سیکیورٹی فورسز نے دوسری کارروائی اسپن وام میں کی ، جس دوران فائرنگ کے تبادلے میں ایک خارجی کو منطقی انجام تک پہنچا دیا گیا۔ ہلاک ہونے والے بھارتی اسپانسرڈ خوارج سے اسلحہ اور گولہ بارود بھی برآمد ہوا۔
ہلاک دہشتگرد سیکیورٹی فورسز، قانون نافذ کرنے والے اداروں کے خلاف متعدد کارروائیوں اور معصوم شہریوں کی ٹارگٹ کلنگ میں ملوث تھے۔ آئی ایس پی آر کے مطابق عزم استحکم کے تحت انسداد دہشت گردی مہم کی کارروائیاں پوری رفتار سےجاری رہیں گی ۔ سیکیورٹی فورسز پاکستان کو غیر ملکی حمایت یافتہ دہشتگردوں سے پاک کرنے کیلئے پرعزم ہیں۔
