سندھ ہائیکورٹ کے حکم پر ممبر انسپکشن ٹیم نے دودھ کے نمونوں کی کوالٹی سے متعلق رپورٹ عدالت میں پیش کردی۔
سندھ ہائیکورٹ کے آئینی بینچ نے دودھ کی قیمتوں میں اضافے کے خلاف درخواست پر سماعت کی جس دوران عدالتی حکم پر ممبر انسپکشن ٹیم نے دودھ کے نمونوں کی کوالٹی سے متعلق رپورٹ پیش کی۔ عدالت نے رپورٹ کو ریکارڈ کا حصہ بنادیا۔
رپورٹ کے مطابق مختلف علاقوں سے جمع درجنوں نمونے پاکستان اسٹینڈرڈ اینڈ کوالٹی کنٹرول اتھارٹی کو ارسال کئے تھے، تمام نمونے غیر معیاری اور مضرصحت تھے،دودھ کاکوئی نمونہ انسانی استعمال کے قابل نہیں۔
کمشنر کراچی نے دودھ کی قیمتوں کا نوٹیفکیشن عدالت میں پیش کردیا گیا، اسسٹنٹ ایڈووکیٹ جنرل نے عدالت کو بتایا کہ دودھ قیمتوں سے متعلق27نومبرکو نوٹیفکیشن جاری کیا، ڈیری فارمز 200روپے، ہول سیلرز 208 روپے اور ریٹیلرز 220روپے فی لیٹر دودھ فروخت کرینگے۔
