سیکیورٹی فورسز نے ڈیرہ اسماعیل خان میں خفیہ اطلاعات پر کارروائی کے دوران بھارتی حمایت یافتہ 22 خوارج ہلاک کر دیئے ۔
آئی ایس پی آر کے مطابق سیکیورٹی فورسز نے کارروائی کے دوران خوارج کے ٹھکانے کو موثر انداز میں نشانہ بنایا جس دوران شدید فائرنگ کے تبادلے میں 22 بھارتی حمایت یافتہ دہشتگرد ہلاک کر دیئے گئے ۔
علاقے میں سیکیورٹی فورسز کی جانب سے کلیئرنس اور سینیٹائزیشن آپریشن جاری ہے، علاقے میں خوارج کی ممکنہ موجودگی کے پیش نظرآپریشن جاری ہے، سیکیورٹی فورسز اور قانون نافذ کرنے والے ادارے انسدادِ دہشتگردی مہم جاری رکھیں گے، مہم کا مقصد بیرونی حمایت یافتہ دہشتگردی کے مکمل خاتمے کو یقینی بنانا ہے۔
وزیراعظم شہباز شریف
ڈی آئی خان میں 22 خوارج کی ہلاکت پر وزیراعظم شہباز شریف نے سیکیورٹی فورسز کو خراج تحسین پیش کیاہے اور کہا کہ عزم استحکام کے تحت سیکیورٹی فورسز دہشتگردی کے خلاف بڑی کامیابیاں حاصل کر رہی ہیں، پوری قوم دہشت گردی کے خلاف اس جنگ میں اپنی افواج کے ساتھ کھڑی ہے ، ملک سے ہر قسم کی دہشت گردی کے مکمل خاتمے کے لئے پر عزم ہیں۔
