چیئرمین جوائنٹ چیفس آف اسٹاف کمیٹی جنرل ساحر شمشاد مرزا کا کہنا ہے کہ ہمارے ارد گرد کی دنیا ایک ناقابل تصور رفتار سے تبدیل ہو رہی ہے۔ یہ اثرات ہائبرڈ محاذ آرائی سے لے کر جنگ تک محیط ہیں ۔ ہماری افواج کو مربوط حکمت عملی سے مستقبل کی جنگوں کیلئے تیاررہنا ہوگا۔
چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے الوداعی خطاب میں کہا کہ ہمارے ارد گرد کی دنیا ایک ناقابل تصور رفتار سے تبدیل ہو رہی ہے، اس تبدیلی سے اندرونی اور بیرونی آزمائشوں پر گہرے اثرات مرتب ہو رہے ہیں، یہ اثرات ہائبرڈ محاذ آرائی سے لے کر جنگ تک محیط ہیں۔ مشترکہ حکمت عملی اور تعاون ناگزیر ہے۔
جنرل ساحر شمشاد مرزا کا کہنا تھا کہ ان حالات میں ہماری مسلح افواج کو زیادہ ہم آہنگی کے ساتھ تیار رہنا ہوگا، مشترکہ حکمت عملی اور تعاون کواہم ضرورت سمجھتا ہوں۔ یہ مستقبل کے چیلنجز کا سامنا کرنے کیلئے ایک ناگزیر تنظیمی اصلاح ہے۔
چیئرمین جوائنٹ چیفس آف اسٹاف کمیٹی کا کہنا تھا کہ مکمل بااختیار اور مناسب صلاحیت سے لیس مسلح افواج عملی ضرورت ہے، ہماری افواج کو مربوط حکمت عملی سے مستقبل کی جنگوں کیلئے تیاررہنا ہوگا۔
