وزارت تجارت نے سونے کی امپورٹ ایکسپورٹ پر پابندی ختم کر دی۔
پاکستان میں سونے سمیت قیمتی دھاتوں اور جواہرات کی درآمد و برآمد میں اصلاحات کے تناظر میں وزارت تجارت نے وزارت تجارت نے 2013 کے آرڈر میں ترامیم کرکے سونے کی امپورٹ ایکسپورٹ پر پابندی ختم کر دی۔ سابقہ نوٹیفکیشن فوری طور پر منسوخ کر دیا گیا ہے۔
نوٹیفکیشن کے مطابق درآمدات کے لیے ضروری دستاویزات فراہم کرنا لازمی ہوگا، قیمتی دھاتوں اور جواہرات کی درآمد اور برآمد کے لیے متعلقہ اسکیمز کے تحت اجازت ہوگی۔
آپریشنل مسائل کی صورت میں، متعلقہ کسٹمز افسر سے رضامندی حاصل کر کے ایک بار کسٹمز اسٹیشن تبدیل کیا جا سکتا ہے۔ برآمد کی آمدنی اب اسی بینک کے ذریعے ہوگی جو اصل درآمد سنبھالے گا۔
ماہرین کےمطابق سونے اور جواہرات کی امپورٹ پر پابندی ختم ہونےسے یہ مارکیٹ میں باآسانی دستیاب ہوں گے ۔ درآمد اور برآمد کےلئے دستاویزات لازمی قرار دیئے جانے سے مارکیٹ میں شفافیت آئے گی ۔ جعلی یا غیرقانونی سامان کی روک تھام ہو گی۔ کسٹمز اسٹیشن تبدیل کرنے کی اجازت سے کاروباری افراد کےلئے آپریشنل مسائل کم ہوں گے اور سامان بروقت پہنچے گا۔
