مالی سال کے کے پہلے چار ماہ میں ملک کو دو ارب 29 کروڑ ڈالر کے فنڈزملے، جن میں دو ارب 24 کروڑ ڈالر قرض اور پانچ کروڑ ڈالر کی گرانٹ شامل ہے۔
اقتصادی امور ڈویژن کی دستاویز کے مطابق رواں مالی سال کے پہلے چار ماہ میں ملنے والی بیرونی مالی معاونت 649 ارب 47 کروڑ روپے کے مساوی ہے، گزشتہ مالی سال کی اسی مدت کے مقابلے میں رواں مالی سال 33 فیصد زیادہ فنڈز ملے، نان پراجیکٹ ایڈ کی مد میں ایک ارب 51 کروڑ ڈالر، مختلف منصوبوں کیلئے 77 کروڑ 32 لاکھ ڈالر حاصل ہوئے۔
عالمی مالیاتی اداروں نےایک ارب 10 کروڑ ڈالر فراہم کئے،جن میں عالمی بینک کے 30 کروڑ 40 لاکھ ڈالر ،اسلامی ترقیاتی بینک کا 36 کروڑ ڈالر کا شارٹ ٹرم لون شامل ہے ۔ نیا پاکستان سرٹیفکیٹ میں 73 کروڑ 47 لاکھ ڈالر کی سرمایہ کاری آئی، مختلف ممالک نے پاکستان کو 45 کروڑ ڈالر فراہم کئے، سعودی عرب نے 40 کروڑ ڈالر کی آئل فیسیلٹی فراہم کی،ایشائی ترقیاتی بینک نے 16 کروڑ 74 لاکھ ڈالر دیئے، جبکہ چین نے پاکستان کو 97 لاکھ ڈالر،اور امریکا نے ڈھائی لاکھ ڈالر کی گرانٹ دی ۔ اقتصادی امور ڈویژن کی دستاویز کے مطابق رواں مالی سال مجموعی طور پر 19 ارب 92 کروڑ ڈالر کی بیرونی مالی معاونت ملنےکا تخمینہ ہے۔
