آزادکشمیر کے نومنتخب وزیراعظم فیصل راٹھور نے اپنے عہدے کا حلف اٹھا لیا،نو منتخب وزیراعظم سے حلف اسپیکر قانون ساز اسمبلی چوہدری لطیف نے لیا۔
حلف برداری کی تقریب ایوان صدرمیں ہوئی جہاں سپیکر آزادکشمیراسمبلی چودھری لطیف اکبر نے نو منتخب وزیراعظم آزادکشمیرفیصل ممتاز راٹھور سےحلف لیا،تقریب حلف برداری میں چیئرمین پاکستان پیپلزپارٹی بلاول بھٹو زرداری نے شرکت کی۔
گورنر گلگت بلتستان سیدمہدی شاہ،گورنر خیبرپختونخوا فیصل کریم کنڈی، فریال تالپور اور ارکان اسمبلی سمیت اعلیٰ سول قیادت اورعسکری حکام بھی تقریب میں شریک ہوئے۔
تقریب سےخطاب کرتے ہوئے وزیراعظم فیصل راٹھورکاکہنا تھاکہ آصف علی زرداری،فریال تالپور اور بلاول بھٹو زرداری کا شکر گزار ہوں کہ یہ ذمےداری سونپی،مشکل وقت میں یہ ذمہ داری نبھانا آسان نہیں، آزاد کشمیر کے عوام کی توقعات پر پورا اتروں گا،پیپلز پارٹی نےعوام کے ساتھ دوبارہ رشتہ جوڑنے کی ذمے داری اٹھائی ہے۔
گزشتہ روز آزاد کشمیر قانون ساز اسمبلی میں چودھری انوار الحق کے خلاف تحریک عدم اعتماد کامیاب ہونے پرفیصل ممتاز راٹھور نئے وزیراعظم آزاد کشمیر منتخب ہوئے تھے۔
