وفاقی آئینی عدالت کی پہلی کاز لسٹ جاری کردی گئی۔
آئندہ ہفتے وفاقی آئینی عدالت میں تین بینچز مقدمات سنیں گے۔ پہلی کاز لسٹ جاری کر دی گئی۔ چیف جسٹس وفاقی آئینی عدالت امین الدین خان کورٹ روم نمبرایک میں مقدمات سنیں گے۔
جسٹس حسن اظہر رضوی کورٹ روم نمبر دو میں سماعت کریں گے جبکہ جسٹس عامر فاروق اور جسٹس کے کے آغا پر مشتمل دو رکنی بینچ کورٹ تین میں مقدمات سنے گا۔
یاد رہے کہ وفاقی آئینی عدالت کے چیف جسٹس امین الدین خان نے جمعہ 14 نومبر کو سابق ڈسٹرکٹ اینڈ سیشن جج محمد حفیظ کو رجسٹرار آئینی عدالت جبکہ مظہر بھٹی کو سیکریٹری ٹو چیف جسٹس وفاقی آئینی عدالت تعینات کیا تھا۔
