اسلام آباد میں ریسٹورنٹس کے شیف اور ویٹرز کے لیے کیپ کا استعمال لازمی قرار دے دیا گیا۔ خلاف ورزی کی صورت میں فوڈ پوائنٹ اور ریسٹورنٹ فی الفور سیل ہوگا۔
وفاقی دارالحکومت میں ریسٹورنٹس اور فوڈ پوائنٹس کیلئے نئے ایس او پیز جاری کر دیئے گئے۔ فوڈ سے ڈیل کرنے والے تمام عملہ کیلئے سیفٹی کیپ استعمال کرنا لازمی ہوگا۔ ایس او پیز کے مطابق کیپ کا استعمال حفظان صحت کے اصولوں کو مدنظر رکھتے ہوئے لازمی قرار دیا گیا ہے۔ خلاف ورزی کی صورت میں فوڈ پوائنٹ اور ریسٹورنٹ فی الفور سیل ہوگا۔ ڈائریکٹر فوڈ اتھارٹی نے اپیل کی ہے کہ اسلام آباد کے شہری بغیر کیپ ریسٹورنٹ عملہ کی نشاندہی لازمی کریں۔ فوڈ اتھارٹی کی جانب سے ٹیم کو مختلف ایریاز میں انسپکشنز کی ہدایت بھی کی گئی ہے۔
