پاکستان کرکٹ ٹیم کے نوجوان بیٹر صائم ایوب کو آسٹریلیا کے خلاف سیریز کے لئے اسکواڈ میں شامل کیے جانے کا امکان ہے۔
قومی ٹیم کے چیف سلیکٹر وہاب ریاض نے راولپنڈی کرکٹ اسٹیڈیم میں پاکستان کپ کا فائنل میچ دیکھا جہاں انہوں نے میچ کے بعد نوجوان بیٹر صائم ایوب سے ملاقات بھی کی ہے۔
خیال رہے کہ نوجوان بیٹر پاکستان کپ کے دوران کراچی وائٹس ریجن نمائندگی کر رہے تھے۔
یہ بھی پڑھیں۔ کراچی وائٹس کو شکست، پشاور ریجن نے پاکستان کپ جیت لیا
یاد رہے کہ پاکستان کپ کے فائنل میں پشاور ریجن نے کراچی ریجن وائٹس کو 5 وکٹوں سے شکست دے کر ایونٹ کی ٹرافی اپنے نام کر لی ہے کراچی کی جانب سے دیا گیا 104 رنز کا ہدف فاتح ٹیم نے 17.2 اوورز میں حاصل کیا۔
یہ بھی پڑھیں۔ افتخار احمد کی جانب سے سرفراز احمد کا شاندار کیچ، ویڈیو وائرل
وہاب ریاض کی ملاقات کے بعد اس بات کا امکان ظاہر کیا جا رہا ہے کہ صائم ایوب کو دورہ آسٹریلیا میں ٹیم کا حصہ بنایا جاسکتا ہے۔
یہ یاد رہے کہ دورہ آسٹریلیا کے لیے قومی اسکواڈ کا اعلان آٸندہ ہفتے کیا جاٸے گا۔
