عالمی بینک نے پاکستان کی معاشی ترقی کی موجودہ رفتار غربت میں کمی کیلئے ناکافی قرار دیدیا۔
عالمی بینک نے پاکستان سے متعلق رپورٹ جاری کردی۔ رپورٹ میں رواں ساہ معاشی شرح نمو 3 فیصد رہنے کا امکان ہے جبکہ اگلے سال معاشی ترقی بڑھ کر 3.4 فیصد تک جانے کا امکان ہے۔ عالمی بینک نے معاشی ترقی کی موجودہ رفتار کو غربت میں کمی کیلئے ناکافی قرار دے دیا۔
رپورٹ کے مطابق پاکستان میں ہر سال 16 لاکھ نوجوان روزگار کیلئے مارکیٹ میں آرہے ہیں۔ اس سال پاکستان میں غربت کی شرح 21.5 فیصد رہنے کا امکان ہے، غربت میں کمی اور معیار زندگی میں بہتری کیلئے معاشی ترقی میں بہتری پر زور دیا گیا ہے۔
عالمی بینک کے مطابق پاکستان میں رواں مالی سال مہنگائی 7.2 فیصد رہنے کا امکان ہے، اگلے سال پاکستان میں مہنگائی کم ہوکر 6.8 فیصد تک رہنے کا تخمینہ ہے۔ عالمی بینک نے اپنی رپورٹ میں پاکستان کے مختلف شعبوں میں جامع اصلاحات پر زور دیا ہے۔
