وزیراعظم شہبازشریف نے اسلام آباد میں شاہین چوک انڈرپاس منصوبے کا سنگ بنیاد رکھنے کی تقریب سے خطاب کرتے ہوئے کہا کہ اسلام آباد میں ٹریفک کا دباؤ کم کرنے کیلئے مختلف منصوبے شروع کیے جا رہے ہیں، وزیرداخلہ،چیئرمین سی ڈی اے اور ان کی ٹیم شبانہ روز محنت کر رہی ہے، اسلام آباد کی خوبصورتی میں مزید اضافہ کیا جا رہا ہے۔
وزیراعظم نے وزیر داخلہ محسن نقوی اور چیئرمین سی ڈی اے سمیت دیگر حکام کو مبارک باد دی ۔ ان کا کہناتھا کہ ایس سی اوکانفرنس کی تیاریوں کیلئے ہوٹلز اور رہائشی منصوبے ضروری ہیں، ملکی مفاد میں ترقیاتی منصوبے جلد مکمل کیے جائیں، معیاری منصوبوں کیلئے مکمل تعاون کریں گے، ایس سی اوکانفرنس کی تیاریوں کیلئے ہوٹلز اور رہائشی منصوبے ضروری ہیں۔
اس موقع پر محسن نقوی نے خطاب کرتے ہوئے کہا کہ مارگلہ روڈ پر شاہین چوک میں ٹریفک کا دباؤ زیادہ ہے، الیونتھ ایونیو پر بھی کام شروع کررہے ہیں، شاہین چوک انڈرپاس منصوبے کو بہترین طریقے سے ڈیزائن کیا گیا ہے، اسلام آباد کو مزید خوبصورت بنانے کیلئے کوشاں ہیں، ایس سی اوکانفرنس کی تیاریوں کیلئے مختلف منصوبے شروع کریں گے، وزیراعظم اسلام آباد میں منصوبوں کیلئے خصوصی تعاون کررہےہیں۔
