مقامی اور عالمی مارکیٹ میں سونے کی قیمت میں کمی ریکارڈ کی گئی ہے۔
جیولرز کے مطابق فی تولہ سونا 7 ہزار 538 روپے سستا ہو کر 4 لاکھ 37 ہزار 362 روپے کا ہوگیا۔ اسی طرح 10 گرام سونا 6 ہزار 463 روپے کمی کے بعد 3 لاکھ 74 ہزار 967 روپے میں فروخت ہورہا ہے۔
آل پاکستان صرافہ جیولرز اینڈ ایسوسی ایشن کےمطابق فی تولہ چاندی کی قیمت بھی 151 روپے کم ہوکر پانچ ہزار 110 روپے پر آگئی۔
عالمی مارکیٹ میں بھی فی اونس سونا 85 ڈالر کمی کے بعد چار ہزار 150 ڈالر پر آگیا۔
منگل کو عالمی منڈی میں سونے کی قیمت میں 5 سال کی سب سے بڑی یومیہ کمی ہوگئی تھی۔ سونے کی فی اونس قیمت میں 250 ڈالر کم ریکارڈ کی گئی۔ سونے کی قیمت 5.3 فیصد کم ہوئی۔ جو اگست 2020 کے بعد سب سے بڑی یومیہ گراوٹ ہے۔
