چیف آف دی نیول اسٹاف ایڈمرل نوید اشرف نے امریکا کے دورہ کے دوران امریکا کی اعلیٰ بحری اور سول قیادت سے اہم ملاقاتیں کی ہیں۔ ملاقاتوں کے دوران پیشہ ورانہ دلچسپی کے امور، علاقائی سلامتی، پیشہ ورانہ تربیت اور میری ٹائم تعاون پر تبادلہ خیال کیا گیا۔ ایڈمرل نوید اشرف نے امریکی اسکارلرز اور تھنک ٹینک کے ماہرین سے بھی خطاب کیا۔
نیول چیف نے امریکا کی نیشنل ڈیفنس یونیورسٹی کا بھی دورہ کیا اور یونیورسٹی کے صدر وائس ایڈمرل پیٹر اے گارون سے ملاقات کی۔ ملاقاتوں کے دوران پیشہ ورانہ دلچسپی کے امور، علاقائی سلامتی، پیشہ ورانہ تربیت اور میری ٹائم تعاون پر تبادلہ خیال کیا گیا۔
نیول چیف نے امریکی محکمہ خارجہ کا بھی دورہ کیا، سیاسی وعسکری امور کے ڈپٹی اسسٹنٹ سکریٹری سٹینلے ایل براؤن سے بھی ملاقات کی۔ ایڈمرل نوید اشرف نےامریکی اسکالرز اور تھنک ٹینک کے ماہرین سے خطاب کرتے ہوئے علاقائی میری ٹائم سیکیورٹی چیلنجز اور مشترکہ میری ٹائم کوششوں میں پاک بحریہ کے تعاون پر روشنی ڈالی۔
