ادرہ شماریات کی رپورٹ کے مطابق رواں مالی سال کی پہلی سہ ماہی میں پاکستانی اشیاء کی برآمدات میں 30 کروڑ 70لاکھ ڈالر کمی آئی،مجموعی حجم 7 ارب ساٹھ کروڑ ڈالر ریکارڈ کیا گیا۔
ادرہ شماریات کی رپورٹ کےمطابق ٹیکسٹائل مصنوعات، لیدر،سرجیکل آلات اور کھیلوں کے سامان سمیت بعض اشیاء کی ایکسپورٹس میں اضافہ ہوا۔
ادارہ شماریات کےمطابق پہلی سہ ماہی میں ٹیکسٹائل برآمدات میں 5.63 فیصد اضافہ، حجم 4 ارب 77 کروڑ ڈالررہا،ریڈی میڈ گارمنٹس،سوتی دھاگے،نیٹ ویئر،بیڈ ویئرکی برآمدات میں اضافہ، ٹیکسٹائل ایکسپورٹس 2 فیصد گرگئیں، حجم 1.57 ارب ڈالرریکارڈ کیا گیا۔
دستاویز کےمطابق جولائی تاستمبر غذائی اجناس کی برآمدات 31.42 فیصد کمی سے 1.10 ارب ڈالر رہیں،چاول، چینی،سبزیوں،مصالحہ جات، آئل سیڈز،تمباکو کی برآمدات میں کمی آئی،مالی سال کی پہلی سہ ماہی میں مچھلی، پھلوں اورگوشت کی برآمدات میں اضافہ ہوا۔
ادارہ شماریا ت کےمطابق سرجیکل آلات کی برآمدات 1.52 فیصد اضافےسے 11 کروڑ 14 لاکھ ڈالر رہی،
آٹوپارٹس کی برآمدات میں 16 فیصد اضافہ، 64 لاکھ 47 ہزارڈالر کےبرآمدکیےگئے،ربٹرٹائر ٹیوب کی برآمدات 16.58 فیصد اضافےسے 2 کروڑ 85 لاکھ ڈالر رہی۔
ادارہ شماریات کےمطابق سیمنٹ کی برآمدات میں 51.86 فیصد اضافہ ہوا، حجم 9 کروڑ 90 لاکھ ڈالر رہا،کیمکلز کی ایکسپورٹس 18 فیصد تک گر گئی، مجموعی حجم 33 کروڑ 29 لاکھ ڈالر رہا،کھیلوں کے سامان، فٹبال کی برآمدات میں اضافہ، کارپٹ، دستانوں کی ایکسپورٹ گر گئی،لیدر مینوفیکچررز کی برآمدات میں 1.46 فیصد اضافہ، حجم 15 کروڑ 27 لاکھ ڈالر رہا،پیٹرولیم اور کوئلے کی برآمدات میں 26.60 فیصد کمی، حجم 3 کروڑ ڈالر سے زیادہ رہا۔
