انسداد دہشتگردی راولپنڈی نے 26 نومبر احتجاج کےحوالے سے تھانہ صاق آباد کے کیس میں علیمہ خان کے وارنٹ گرفتاری جاری کردئیے۔
تفصیلات کےمطابق انسداد دہشت گردی کی عدالت میں تھانہ صادق آباد میں 26 نومبر کے گھیراؤ جلاؤ کیس کی سماعت جج امجد علی شاہ نے کی۔
عدالت نے علیمہ خانم کی حاضری سے استثنیٰ کی درخواست مسترد کرتے ہوئے ان کے ناقابل ضمانت وارنٹ جاری کیے، عدالت نے علیمہ خان کو گرفتار کرکے کل عدالت پیش کرنے کا حکم دےدیا۔
مقدمے میں علیمہ خان سمیت دیگر شریک ملزمان پر فردِ جرم عائد کیے جانے کی کارروائی آج مکمل نہ ہو سکی۔
علیمہ خان کے وکیل محمد فیصل ملک نے عدالت میں حاضری سے استثنیٰ کی درخواست دائر کی تھی۔،
بعد ازاں عدالت نے کیس کی مزید سماعت کل تک ملتوی کر دی۔
