جارجیا میں ہونیوالی آئی ایم ایم اے ایف ورلڈ چیمپئن شپ 2025 میں پاکستان نےشاندارکارکردگی کا مظاہرہ کرتے ہوئے کئی عالمی چیمپئنز کو شکست دے دی۔
جارجیا کے دارالحکومت تبلیسی میں ہونے والی آئی ایم ایم اے ایف ورلڈ چیمپئن شپ میں 72 ممالک کے 800 سے زائد فائٹرز نے حصہ لیا،جس میں پاکستان کی نمائندگی 10 رکنی ٹیم نے کی،پاکستانی فائٹرز نے شاندار کارکردگی دکھاتے ہوئے کئی عالمی چیمپئنز کو شکست دی۔
لائٹ ویٹ کیٹیگری میں شہاب علی نےیوکرین،زیمبیا اورتاجکستان کے فائٹرز کو مات دے کر دھوم مچا دی،شہاب علی کو شاندار کارکردگی پرفائٹر آف دی ٹورنامنٹ کے لیےنامزد کیاگیا۔اسٹراؤ ویٹ کیٹیگری میں عبدالمنان نے زیمبیا کے فائٹر اور موجودہ عالمی چیمپئن علی یور سوونبردیئف کو شکست دی۔
فیڈر ویٹ میں ایان حسین نےبلغاریہ کے قادرجان عیسیٰ کو ہرا کر کامیابی اپنے نام کی،پاکستانی پروفیشنل فائٹر اسماعیل خان نےآذربائیجان کے حریف کو پہلے ہی راؤنڈ میں ناک آؤٹ کر کے کامیابی حاصل کی۔خاتون فائٹر بانو بٹ دورانِ مقابلہ شدید انجری کا شکار ہوئیں،ان کے بازو میں فریکچر ہوا تاہم فیڈریشن نے تمام علاج کے اخراجات ذاتی طور پر برداشت کیے۔
پاکستان مکسڈ مارشل آرٹس فیڈریشن کے صدر عمر احمد کو آئی ایم ایم اے ایف ایشیا بورڈ میں ساؤتھ ایشیا کا ڈائریکٹر مقرر کیا گیا،جن کا کہنا ہے کہ فیڈریشن عالمی سطح کے شوقیہ فائٹرز کو پروفیشنل کیریئر تک لے جا رہی ہے۔
عمر احمد کے مطابق حکومتِ پاکستان کی جانب سے کسی قسم کی براہِ راست مالی امداد فراہم نہیں کی گئی،تمام اخراجات اسپانسرشپ اور نجی وسائل سے پورے کیے گئے
