وزیرِاعظم شہباز شریف قصرِ یمامہ ریاض پہنچ گئے جہاں سعودی ولی عہد شہزادہ محمد بن سلمان نے شاہانہ پروٹوکول کے ساتھ ان کا استقبال کیا۔ وزیرِاعظم کو سعودی مسلح افواج نے گارڈ آف آنر پیش کیا۔سعودی ولی عہد کے ساتھ ملاقات بھی ہوئی۔
ریاض میں شاہی دیوان قصرِ یمامہ پہنچنے پر وزیرِاعظم شہباز شریف کا روایتی شاہی انداز میں استقبال کیا گیا۔ گھڑسواروں نے انہیں پورےپروٹوکول کے ساتھ ایوانِ شاہی تک پہنچایا۔شاہی دیوان کے دروازے پر سعودی ولی عہد و وزیرِاعظم شہزادہ محمد بن سلمان نے وزیرِاعظم کا پرتپاک خیرمقدم کیا۔ اس موقع پر سعودی مسلح افواج کے دستوں نے انہیں گارڈ آف آنر بھی پیش کیا۔وزیرِاعظم شہباز شریف اور سعودی ولی عہد شہزادہ محمد بن سلمان کے درمیان دو طرفہ ملاقات بھی ہوئی۔ملاقات میں نائب وزیرِاعظم و وزیرِخارجہ محمد اسحاق ڈار، آرمی چیف جنرل سید عاصم منیر، وزیرِدفاع خواجہ محمد آصف، وزیرِخزانہ محمد اورنگزیب، وزیرِ موسمیاتی تبدیلی ڈاکٹر مصدق ملک اور معاونِ خصوصی سید طارق فاطمی شریک ہیں۔
