استحکام پاکستان پارٹی کے رہنما اور رکن پنجاب اسمبلی شعیب صدیقی نے میڈیا سے گفتگو کرتے ہوئے کہا ہے کہ پارک ویو سوسائٹی کے اندر صفائی ستھرائی کا نظام مکمل ہوگیا ہے، لوگ اپنے گھروں کو جارہے ہیں، 3بلاکس میں بجلی بحال کردی گئی ہے۔
تفصیلات کے مطابق رکن اسمبلی شعیب صدیقی کا کہناتھا کہ تین سو ایکڑ اراضی بانی پی ٹی آئی نے منظور کی تھی، بانی پی ٹی آئی خود اس علاقے میں گئے تھے، جن لوگوں نے دولاکھ ایکڑ جگہ لی ان لوگوں کے نام سامنے آنے چاہیے، راوی کے بیلٹ پر سوسائٹی نہیں بنائی گئی، جب ہم بند بنارہے تھے ہمارے اوپر دہشت گردی کے پرچے ہوئے۔
شعیب صدیقی کا کہناتھا کہ بانی پی ٹی آئی نے اپنی پارٹی کو تباہ کرلیا، اسمبلی کےفلور پرآکربولیں گےتو اس پرہم بھی جواب دیں گے، اسلم اقبال اور ان کے بھائیوں پر جوؤں کی ایف آئی آرز ہیں،ان کا جواب دیں، اگر حکومت ہمیں سپورٹ کرتی توپارک ویومیں نقصان نہ ہوتا، ہم نے سوا ارب روپے روڈا کوفیس کی مدمیں ادا کیا، قدرتی آفت آئی ہے، اللہ ہی اس سے نکالے گا۔
انہوں نے کہا کہ دنیاواقف ہے کہ ہم نے سیاست خدمت کےلئے کی ہے، این ایچ اے نے بند باندھنا ہوتا تو کب کا باندھ چکا ہوتا، بہت ساری سوسائٹیز ایسی ہیں جنھوں نے ٹیکنیکل منظوری لی ہیں، 300سے زیادہ خاندان ہوٹل میں ٹھہرائے گئے، 3بلاکس میں بجلی بحال کر دی گئی ہے۔
