وزیراعظم کے مشیر رانا ثناء اللہ نے پنجاب اسمبلی کے باہر میڈیا سے گفتگو کرتے ہوئے کہا کہ موسمیاتی تبدیلی پوری دنیا میں آرہی ہے، پانی کا اسکیل بہت زیادہ تھا، ستلج اورراوی خشک ہوچکے تھے،وہاں بہت پانی آیا ہے، حکومت نے اس مرتبہ ٹیم ورک کیا ہے۔
رانا ثناء اللہ نے کہا کہ جانی نقصان کم سے کم ہوا ہے، تمام حکومتی اداروں نے ایک ٹیم کے طور پر کام کیا ہے، لاکھوں افراد کو نکالا ہے، اگر حکومتی الرٹ نہ ہوتا تو نقصان بہت زیادہ ہوتا، سول وار کی کوشش ہورہی ہے، نو مئی کو جو کوشش ہوئی، 24اور 26 تاریخ کو بھی وہی کوشش کی گئی، سول وار کی کسی صورت اجازت نہیں دی جاسکتی، اس سے پاکستان کی سالمیت کو نقصان ہوسکتا ہے۔
رانا ثناء اللہ نے کہا کہ کسی زمانے میں آرمی چیف کی مدت چار سال ہوتی تھی پھر تین سال ہو گئی، اب آرمی چیف کی مدت پانچ سال ہو گئی ہے، آرمی چیف کی 2027 میں مدت پوری ہوگی، اس کے بعد ایکسٹینش کا سوال پیدا ہوگا، فیلڈ مارشل عاصم منیر نے 78 سالوں میں قوم کو معرکہ حق کی صورت میں فخر کرنے کا موقع دیا ہے۔
