پاکستان کرکٹ ٹیم کے مایہ ناز آل راؤنڈر شاداب خان بیٹی کے باپ بن گئے۔
قومی کرکٹر شاداب خان نے ہفتہ کو سوشل میڈیا اکاؤنٹس پر بیٹی کی پیدائش کا اعلان کیا اور دو تصاویر شیئر کیں، ایک تصویر میں والدین کے ہاتھ اور بچی کے پاؤں جبکہ دوسری تصویر میں بے بی باسکٹ میں بچی والدین ہاتھوں میں نظر آرہی ہے۔
کرکٹر نے پوسٹ میں لکھا کہ الحمداللّٰہ، اللّٰہ نے ہمیں ہماری پہلی اولاد ایک خوبصورت بیٹی سے نوازا ہے۔
Alhamdulillah, Allah has blessed us with our first child, a beautiful daughter. Grateful beyond words for this blessing. Please keep us in your duas as we begin this new journey ❤️ pic.twitter.com/QUbcD7e1HI
— Shadab Khan (@76Shadabkhan) August 30, 2025
آل راؤنڈر نے مزید لکھا کہ اس رحمت پر الفاظ سے بڑھ کر شکر گزار ہیں، براہِ کرم ہمیں اپنی دعاؤں میں یاد رکھیں کیونکہ ہم اس نئے سفر کا آغاز کررہے ہیں۔
سوشل میڈیا صارفین کی جانب سے شاداب اور ان کی اہلیہ کیلئے مبارکباد کے پیغامات کا ڈھیر لگ گیا۔
واضح رہے کہ شاداب خان نے جنوری 2023ء میں قومی ٹیم کے سابق کوچ اور مایہ ناز اسپنر ثقلین مشتاق کی بیٹی سے شادی کی تھی، ان کی اہلیہ ہمیشہ برقع اوڑھے پردے میں رہتی ہیں۔
