اسرائیلی فورسز کی غزہ میں تازہ کارروائیاں،مزید 81 فلسطینی شہید ہوگئے۔
غزہ سٹی پرقبضےکا ناپاک منصوبہ، اسرائیلی فوج کے حملوں میں شدت آگئی،رات بھرکئی علاقے دھماکوں سے گونجتے رہے۔چوبیس گھنٹوں میں 81 فلسطینی شہید ہوگئے،امداد کے منتظر 30 افراد بھی شہدا میں شامل ہیں۔
ترجمان اسرائیلی فوج کے مطابق حماس کے خلاف مزید گہرائی تک حملے کیے جائیں گے،دوسری جانب اقوام متحدہ نے نئی اسرائیلی بستیوں کی مخالفت کرتے ہوئےتشویش کا اظہار کیا ہے۔
غزہ محکمہ صحت کے مطابق غزہ میں شہید فلسطینیوں کی تعداد 62ہزار192ہوچکی،22ماہ میں اب تک ایک لاکھ 57ہزار114فلسطینی زخمی ہوچکے۔
