کراچی کے مختلف علاقوں میں جشن آزادی کے موقع پر ہوائی فائرنگ سے 8 سال کی بچی سمیت 3 افراد جاں بحق جبکہ خواتین اور بچوں سمیت 84 افراد زخمی ہوگئے۔
ریسکیو حکام کے مطابق 8 سال کی مرحا کھڑکی پر کھڑی تھی کہ اچانک گولی سر پر آکر لگی۔ مقتولہ پہلی جماعت کی طالب علم تھی۔ کورنگی اور لیاری آگرہ تاج میں بھی فائرنگ سے دوافرادجان سے گئے۔
شہر کے مختلف علاقوں میں ہوائی فائرنگ سے زخمی ہونے والی خواتین اور بچوں سمیت 84 افراد کو عباسی شہید، سول اور جناح اسپتال طبی امداد کےلئے منتقل کیاگیا۔
پولیس نے مختلف علاقوں میں کارروائیاں کرتےہوئے فائرنگ کرنے والے 20افراد کو گرفتار کرکے اسلحہ برآمد کرلیا۔
