یوم آزادی اور "معرکہ حق" کی مناسبت سے اسلام آباد میں آج شاندار گرینڈ تقریب ہوگی۔ صدر مملکت، وزیر اعظم اور تینوں مسلح افواج کے سربراہان شریک ہوں گے۔
اسلام آباد کے جناح اسپورٹس اسٹیڈیم میں یوم آزادی اور "معرکہ حق" میں تاریخی فتح کی مناسبت سے آج رات 8 بجے مرکزی تقریب ہوگی۔
صدر مملکت تقریب کے مہمانِ خصوصی ہوں گے جبکہ وزیر اعظم اور تینوں مسلح افواج کے سربراہان بھی شریک ہوں گے۔
دوست ممالک ترکیہ اور آذربائیجان کے فوجی دستے خصوصی طور پر پریڈ میں حصہ لیں گے۔ تقریب میں تینوں مسلح افواج کی شاندار پریڈ، فضائی مظاہرہ، آرمی اسکول آف میوزک کی خصوصی بینڈ پرفارمنس اور ملی و ثقافتی پروگرام پیش کیے جائیں گے۔
وزیر اعظم تقریب میں "معرکہ حق" مونومنٹ کی رونمائی بھی کریں گے۔ یہ تقریب براہِ راست پی ٹی وی سے نشر کی جائے گی۔
