جڑواں شہروں میں بھائی نے اپنی سگی 2 بہنوں اور باپ کوجائیداد کے تنازع پر تیز دھار آلے سے قتل کر دیا جبکہ تین ماہ کے بھانجے کو بھی زخمی کیا ۔
تفصیلات کے مطابق اسلام آباد کے علاقے ترامڑی میں ملزم محمد علی نے اپنے والد محمود حسین اور بہن شبنم کو تیز دھار آلے سے گلا کاٹ کر قتل کیا جس کے بعدیہ شخص ایڈالہ روڈ راولپنڈی گیا جہاں اس نے اپنی دوسری بہن کو بھی اسی طرح قتل کیا جبکہ تین ماہ کے بھانجے کو زخمی کیا۔
راولپنڈی پولیس کے مطابق یہ افسوسناک واقعہ آج صبح کے وقت پیش آیا تاہم کارروائی کے دوران ملزم کو گرفتار کر لیا گیاہے ، دوران تفتیش ملزم نے بتایا کہ اس نے جائیداد کے تنازع پر اپنے باپ اور بہنوں کو قتل کیا ہے اور اسے اپنے عمل پر کوئی شرمندگی نہیں ہے ۔
