وزیر اعظم شہباز شریف نے آرمینیا کے ساتھ تاریخی امن معاہدے پر آذربائیجان کے صدر الہام علییوف کو مبارکباد دی ہے۔
اتوار کو وزیر اعظم شہباز شریف اور آذربائیجان کے صدر الہام علییوف کے درمیان ٹیلیفونک رابطہ ہوا جس کے دوران وزیراعظم نے آذربائیجان اور آرمینیا کے درمیان تاریخی امن معاہدے پر صدر علییوف کو مبارکباد دی اور ان کے بصیرت انگیز کردار کو سراہا۔
گفتگو کے دوران وزیراعظم شہباز شریف نے کہا کہ پاکستان اس بنیادی مسئلے پر آذربائیجان کے عوام کے ساتھ کھڑا ہے۔
شہباز شریف نے تاریخی معاہدے کو ممکن بنانے میں امریکی صدر ٹرمپ کے کردار کو بھی سراہا اور امید ظاہر کی کہ اس معاہدے سے خطے میں امن قائم ہوگا۔
آذربائیجان کے صدر الہام علییوف نے کاراباخ تنازع پر پاکستان کی مسلسل حمایت کا شکریہ ادا کیا۔
دونوں رہنماؤں نے دوطرفہ تعاون پر اطمینان کا اظہار کیا۔جبکہ وزیراعظم شہباز شریف نے صدر علییوف کو دورہ پاکستان کی دعوت بھی دی۔
دوسری جانب شنگھائی تعاون تنظیم اجلاس کے موقع پر دونوں رہنماؤں کی تیانجن میں ملاقات بھی متوقع ہے۔
