وزیراعظم شہباز شریف کو سعودی ولی عہد شہزادہ محمد بن سلمان کی جانب سے نویں فیوچر انویسٹمنٹ فورم میں شرکت کا دعوت نامہ موصول ہوا ہے جسے انہوں نے قبول کرلیا۔
ہفتے کو پاکستان میں سعودی عرب کے سفیر نواف بن سعید المالکی نے وزیر اعظم شہباز شریف سے ملاقات میں سعودی ولی عہد شہزادہ محمد بن سلمان کی جانب سے نویں فیوچر انویسٹمنٹ انیشی ایٹو فورم میں شرکت کی باضابطہ دعوت دی جسے وزیر اعظم نے قبول کر لیا۔
وزیراعظم شہباز شریف 27 سے 30 اکتوبر تک ریاض میں منعقد ہونے والی کانفرنس میں شرکت کریں گے۔
شہباز شریف نے دعوت پر شہزادہ محمد بن سلمان کا شکریہ ادا کیا اور ان کے لیے نیک خواہشات کا اظہار کیا۔
ملاقات کے دوران سعودی سفیر اور وزیراعظم کے درمیان خطے کی حالیہ پیش رفت پر بھی تبادلہ خیال ہوا۔
