لاہور ہائیکورٹ میں موسم گرما کی تعطیلات کے چھٹے ہفتے کا ججز روسٹر جاری کردیا گیا، گیارہاگست سے 3 ڈویژنل اور 12 سنگل بینچ سول، فوجداری اور ارجنٹ نوعیت کے کیسز کی سماعت کرینگے۔
لاہور ہائیکورٹ میں موسم گرما کی تعطیلات کے چھٹے ہفتے کا ججز روسٹر جاری کردیا گیا۔
روسٹر کے مطابق پرنسپل سیٹ پر 11 اگست سے 3 ڈویژن بینچ سول اور فوجداری اپیلوں پر سماعت کرینگے، 12 سنگل بینچ ارجنٹ نوعیت کے کیسز کی سماعت کریں گے۔
رپورٹ کے مطابق چیف جسٹس لاہور ہائیکورٹ مس عالیہ نیلم کی منظوری سے ترمیمی روسٹر جاری کیا گیا، چیف جسٹس عالیہ نیلم اور جسٹس عبہر گل خان پر مشتمل بینچ فوجداری اپیلوں پر سماعت کرے گا۔
روسٹر کے مطابق جسٹس شمس محمود مرزا اور جسٹس ملک اویس خالد پر مشتمل بینچ سول اپیلوں پر سماعت کرے گا، جسٹس جواد ظفر اور جسٹس طارق محمود باجوہ پر مشتمل بینچ فوجداری اپیلوں پر سماعت کرے گا۔
