پشاور کے تھانہ فقیر آباد میں نامعلوم افراد نے بارات کی گاڑی پر فائرنگ کردی، واقعے میں دولہا جاں بحق ہوگیا، ملزمان بآسانی فرار ہوگئے۔
پشاور کے علاقے تھانہ فقیر آباد میں نامعلوم افراد نے بارات لے کر واپس جانے والے دولہا کی گاڑی پر فائرنگ کردی، واقعے میں دولہا جاں بحق اور ڈرائیور زخمی ہوگیا۔
پولیس کے مطابق ملزمان فائرنگ کے بعد فرار ہونے میں کامیاب ہوگئے، حملہ آوروں کی تلاش شروع کردی گئی ہے، پولیس نے لاش تحویل میں لے کر پوسٹ مارٹم کیلئے بھجوا دی۔
اے ایس پی فقیر آباد کے مطابق بارات واپس جارہی تھی کہ سگنل پر کھڑی گاڑی پر نامعلوم شخص نے فائرنگ کی، موقع سے شواہد اکٹھے کر کے تحقیقات کا آغاز کر دیا گیا ہے۔
