انٹرنیشنل کرکٹ کونسل نے کوڈ آف کنڈکٹ کی خلاف ورزی پر آسٹریلوی بیٹر ٹم ڈیوڈ پر میچ فیس کا 10 فیصد جرمانہ عائد کردیا۔
انٹرنیشنل کرکٹ کونسل (آئی سی سی) نے کوڈ آف کنڈکٹ کی خلاف ورزی پر آسٹریلیا کے ٹم ڈیوڈ پر جرمانہ عائد کردیا۔
آئی سی سی کا کہنا ہے کہ آسٹریلوی بیٹر کو ویسٹ انڈیز کیخلاف پانچویں میچ میں آئی سی سی کوڈ آف کنڈکٹ کے لیول ون کی خلاف ورزی پر میچ فیس کا 10 فیصد جرمانہ کیا گیا ہے۔
آئی سی سی کے مطابق کوڈ آف کنڈکٹ کی خلاف ورزی پر ٹم ڈیوڈ کو ایک ڈی میرٹ پوائنٹ بھی دیا گیا ہے۔
رپورٹ کے مطابق آسٹریلوی بیٹر ٹم ڈیوڈ نے اپنی غلطی مانتے ہوئے دی گئی سزا قبول کر لی ہے۔
پانچویں ٹی 20 میچ میں ویسٹ انڈیز کیخلاف آسٹریلیا کی بیٹنگ کے دوران باہر جاتی گیند کو وائیڈ نہ دینے پر ٹم ڈیوڈ نے امپائر کے فیصلے پر ناراضگی کا اظہار کیا تھا۔
