جنوبی کوریا کے مشہور اداکار اداکار سونگ یونگ کیو کی لاش پارکنگ میں موجود گاڑی سے برآمد ہوگئی۔
جنوبی کوریا کی نیوز ایجنسی کے مطابق 4 اگست کو 55 سالہ اداکار سونگ یونگ کیو کی لاش سیول کے قریب اپنے رہائشی کمپلیکس میں ایک پارک کی ہوئی گاڑی سے برآمد ہوئی۔ اطلاعات کے مطابق، صبح 8 بجے ان کی موت کی اطلاع ملی۔
پولیس نے بتایا کہ گاڑی میں خود کشی کا کوئی نوٹس نہیں ملا اور نہ ہی ان کی موت کے حوالے سے قتل کا کوئی شواہد سامنے آئے ہیں۔ پوسٹ مارٹم رپورٹ کے بعد ہی موت کی اصل وجہ کا پتا چل سکے گا۔
یاد رہے کہ سونگ یونگ کیو نے 2014 میں جنوبی کوریا کے شہر سیول میں ’محبت اور شادی‘ نامی ٹی وی ڈرامے کی پریس کانفرنس میں شرکت کی تھی۔ اس ڈرامے کی شوٹنگ 27 ستمبر 2014 سے شروع ہوئی تھی۔ ان کا کیریئر ایک طویل عرصے تک کامیاب رہا، مگر 2019 میں ایک مشہور فلم ’ایکسٹریم جاب‘ میں کامیاب کردار نبھایا تھا۔
