لاہور کی نیشنل کرکٹ اکیڈمی میں بایو مکینک لیب آئندہ چند ہفتوں میں مکمل فعال ہوجائے گی۔ ذرائع کے مطابق بایو مکینک لیب کو مقامی یونیورسٹی سے نیشنل کرکٹ اکیڈمی منتقل کرنے کا فیصلہ کیا گیا تھا۔
پی سی بی ذرائع کے مطابق نیشنل کرکٹ اکیڈمی لاہور میں بایو مکینک لیب آئندہ چند ہفتوں میں مکمل فعال ہوجائے گی، این سی اے کے احاطے میں پہلے سے قائم بلڈنگ کو مکمل کیا جارہا ہے۔
ذرائع کے مطابق بایو مکینک لیب کو مقامی یونیورسٹی سے نیشنل کرکٹ اکیڈمی منتقل کرنے کا فیصلہ کیا گیا تھا، 8 برس قبل بایو مکینک لیب کو مقامی یونیورسٹی کے تعاون سے چلانے کا فیصلہ ہوا تھا، پی سی بی کی بایو مکینک لیب انٹرنیشنل کرکٹ کونسل کی منظور شدہ لیب ہے۔
پی سی بی ذرائع کا کہنا ہے کہ معمولی نوعیت کے تعمیراتی کام مکمل ہوتے ہی بایو مکینک لیب این سی اے منتقل ہوجائے گی، بایو مکینک لیب کے مکمل فعال ہونے سے این سی اے میں موجود بولرز کے ایکشن پر تفصیلی کام ہوگا۔
ذرائع کے مطابق بایو مکینک لیب کو جدید سہولیات سے آراستہ کرنے کیلئے ڈائریکٹر ہائی پرفارمنس عاقب جاوید نے پلان ترتیب دے دیا۔
