پاکستان کی معروف کاروباری شخصیت مزمل کریم پراچہ دبئی میں کینسر کے مرض کے باعث انتقال کر گئے ہیں، انہوں نے چند ماہ قبل سندھ حکومت سے نیلامی کے دوران اپنی گاڑی کیلئے 10 کروڑ روپے کا نمبر بھی خریدا تھا ۔
تفصیلات کے مطابق مزمل کریم پراچہ ’ ایمکے لائینز ‘ کے ڈائریکٹر بھی تھے ، وہ 4 اگست 1993 کو لاہور میں پیدا ہوائے اور چھوٹی عمر میں بڑے کام کیئے ، وہ پاکستان کی کاروباری اور ٹیکنالوجی کا دنیا میں ابھرتا ہوا نام تھے، جنہوں نے کاروبار، ٹیکنالوجی اور ڈیجیٹل شعبوں میں نمایاں کام کیا ۔
مزمل کریم پراچہ نے چند ماہ قبل سندھ حکومت کی جانب سے پریمیئم نمبر پلیٹ کی بولی میں حصہ لیا تھا اور ’ اے 1‘ نمبر 10 کروڑ روپے میں خریدا تھا ۔مزمل کریم پراچہ کو مختلف ماڈلز کی نئی اور پرانی گاڑیاں رکھنے کا بھی شوق تھا۔ ان کے گیراج میں دنیا کی مہنگی ترین درجنوں گاڑیاں موجود تھیں۔
انہوں نے کامیاب کاروباری منصوبوں کی بنیاد رکھی، ڈیجیٹل تبدیلی کو فروغ دیا، ان کی مہارت ای کامرس، مارکیٹنگ اور ٹیک اسٹارٹ اپس جیسے شعبوں میں تھی۔
