لاہورسمیت پنجاب میں چھوٹی گاڑیوں کےبعد بڑی گاڑیاں محکمہ ماحولیات کےریڈارپرآگئیں، انوائرمنٹ پروٹیکشن اور پنجاب سیف سٹی اتھارٹی کارروائی کرے گی، دھواں چھوڑنے والی بسوں اورٹرکوں کےخلاف کریک ڈاؤن کرنے کی تیاری مکمل کر لی گئی ہے ۔
تفصیلات کے مطابق سیف سٹی کے کیمروں سے دھواں چھوڑنے والے ٹرکوں اور بسوں کو مانیٹر کیا جائیگا، جس کا وکس سرٹیفکیٹ نہیں ہو گا اسے فوری نوٹس جاری کیا جائے گا۔ ڈی جی ماحولیات کا کہناتھا کہ پہلے نوٹس پر وارننگ دوسرے نوٹس کے بعد جرمانہ ہوگا، تیسری مرتبہ ڈبل جرمانہ دھواں چھوڑنے والی بسوں اور ٹرکوں کا روٹ پرمٹس کینسل کردیا جائیگا۔
ایم ڈی پنجاب سیف سٹی اتھارٹی احسن یونس اور ڈی جی ماحولیات عمران حامد شیخ اس حوالےسے اہم ملاقات بھی ہوئی جس دوران چیف آپریشن آفیسر سیف سیٹی مستنصر فیروز اورڈی جی ماحولیات نے ایم او یو پر دستخط کیے ۔ ڈی جی ماحولیات نے کہا کہ دھواں چھوڑنے والی بسوں اور ٹرکوں کے روٹ پرمٹس کو کینسل کردیا جائیگا، بسوں ٹرکوں اورکمرشل گاڑیوں کیلئے فٹنس سرٹیفکیٹ لازمی قرار دیا گیاہے ۔
