مودی سرکار کو سفارتی سطح پر ایک اور بڑا دھچکا، امریکی صدر نے سکھ فار جسٹس کے رہنماء گرپتونت سنگھ کو خط لکھ دیا۔
بھارت کی جانب سے عالمی سطح پر خالصتان تحریک کو کچلنے کی کوششیں ناکام ہوگئی، امریکی صدر ڈونلڈ ٹرمپ نے سکھ فار جسٹس کے رہنماء گرپتونت سنگھ کو خط لکھ دیا، ان کی چٹھی نے بین الاقوامی سطح پر نئی بحث چھیڑ دی، گرپتونت سنگھ کو خط خالصتان تحریک کی عالمی قبولیت کا ثبوت ہے۔
امریکی صدر نے لکھا جب امریکا محفوظ ہوگا تب ہی دنیا محفوظ ہوگی، اپنے شہریوں کے حقوق اور سلامتی کیلئے لڑنا کبھی نہیں چھوڑوں گا۔
ڈونلڈ ٹرمپ نے خط میں تجارت، ٹیرف، دفاعی اخراجات،امریکی اقدار پر مبنی پالیسیوں پر زور دیا۔
اقوام متحدہ سمیت کئی عالمی اداروں نے بھارت کے مؤقف کو مکمل تسلیم نہیں کیا، گرپتونت سنگھ کو بھارتی حکومت 2020ء میں دہشتگرد قرار دے چکی۔
واضح رہے کہ صدر ٹرمپ اب تک 27 بار پاکستان اور بھارت کے درمیان جنگ بندی کا دعویٰ کرچکے ہیں، صدر ٹرمپ کا سکھ رہنماء کو خط ایسے وقت میں سامنے آیا ہے جب 17 اگست کو واشنگٹن میں خالصتان تحریک کا ریفرنڈم ہونا ہے، ریفرنڈم سے چند ہفتے قبل صدر کا یہ خط ناصرف سیاسی بلکہ سفارتی حلقوں میں بھی بڑی اہمیت رکھتا ہے۔
