چین کے دارالحکومت بیجنگ اور شمالی علاقوں میں شدید طوفانی بارشوں نے تباہی مچا دی ہے۔
شدید طوفانی بارشوں کے نتیجے میں کم از کم 30 افراد ہلاک ہو چکے ہیں جبکہ80ہزار سے زائد شہریوں کو محفوظ مقامات پر منتقل کر دیا گیا ہے۔ طوفانی بارشوں کے باعث کئی علاقوں میں لینڈ سلائیڈنگ کے واقعات بھی پیش آئے ہیں۔
موسمیاتی حکام نے بیجنگ کے قریبی صوبہ ہوبے ، تیانجن اور دیگر 10 صوبوں کے لیے دوسرے درجے کا شدید بارشوں کا الرٹ جاری کر دیا ہے۔ توقع ہے کہ یہ موسمی سلسلہ بدھ تک جاری رہے گا۔
بیجنگ میں میون ضلع سب سے زیادہ متاثر ہوا ہے، جہاں ہلاکتوں کی سب سے بڑی تعداد رپورٹ ہوئی۔ اس کے علاوہ شہر کے شمالی علاقے ہوائرو اور جنوب مغربی ضلع فانگ شان بھی بری طرح متاثر ہوئے ہیں۔
رپورٹ کے مطابق بارشوں کے باعث درجنوں سڑکیں بند، 130 سے زائد دیہات بجلی سے محروم اور مختلف علاقوں میں امدادی کارروائیاں جاری ہیں۔
