بلوچستان کے ضلع قلات میں سیکیورٹی فورسز نے آپریشن کے دوران بھارتی حمایت یافتہ 4 دہشتگردوں کو ہلاک کر دیا۔
پاک فوج کے شعبہ تعلقات عامہ ( آئی ایس پی آر ) کی جانب سے جاری کردہ بیان کے مطابق قالات میں سیکیورٹی فورسز نے خفیہ اطلاعات پر آپریشن کیا جس کے دوران شدید فائرنگ کا تبادلہ ہوا۔
فائرنگ کے تبادلے میں بھارتی حمایت یافتہ 4 دہشتگرد مارے گئے۔
آئی ایس پی آر کے مطابق دہشت گردوں سے اسلحہ، گولہ بارود اور دھماکا خیز مواد بھی برآمد ہوا جبکہ مارے گئے دہشتگرد علاقے میں تخریب کاری کی متعدد کارروائیوں میں ملوث تھے۔
علاقے میں کسی بھی دوسرے دہشتگرد کی ممکنہ موجودگی کے پیش نظر سینی ٹائزیشن آپریشن جاری ہے۔
آئی ایس پی آر کا مزید کہنا تھا کہ سیکیورٹی فورسز ملک سے ہندوستانی اسپانسرڈ دہشت گردی ختم کرنے کیلئے پرعزم ہیں۔
