بھارتی میڈیا کی جانب سے دعویٰ کیا گیا ہے کہ ورلڈ چیمپئن شپ آف لیجنڈز کے دوران پاکستان چیمپئنز اور انڈیا چیمپئنز کے درمیان میچ میں بھارت کے تین کھلاڑیوں نے کھیلنے سے انکار کر دیاہے ۔ جبکہ ذرائع پاکستان ٹیم مینجمنٹ کا کہنا ہے کہ شاہد آفریدی انجری کا شکار ہیں اور بھارتی ٹیم کی کوئی شکایت نہیں آئی۔
بھارتی میڈیا کے مطابق انڈیا چیمپئنز کے عرفان پٹھان، یوسف پٹھان اور ہربھجن سنگھ نے میچ کھیلے سے انکار کیا ہے، تینوں کھلاڑیوں نے پاکستان کے ساتھ جنگی صورتحال کے باعث میچ کھیلنے سے تحفظات کا اظہار کیا ہے، عرفان پٹھان، یوسف پٹھان اور ہربھجن سنگھ کو میچ شرکت کیلئے منانے کا سلسلہ جاری ہے، ان تینوں کھلاڑیوں کے میچ کھیلنے سے انکار پر دیگر انڈیا چیمپئنز کے کھلاڑی بھی کشمکش کا شکار ہیں، پاکستان چیمپئنز اور انڈیا چیمپئنز کے درمیان میچ 20 جولائی کو شیڈول ہے، میچ پاکستانی وقت کے مطابق رات ساڑھے آٹھ بجے شروع ہوگا۔
دوسری جانب ذرائع پاکستان ٹیم مینجمنٹ کا کہناہے کہ شاہد آفریدی تو ویسے بھی انجری کا شکار ہیں اور بھارتی ٹیم کی کوئی شکایت موصول نہیں ہوئی، بھارتی ٹیم کی آفیشل تحریری کمپلین یا میچ نہ کھیلنے سے متعلق کوئی اطلاع نہیں آئی، پاکستان چیمپئنز کل شیڈول کے مطابق بھارت کے ساتھ میچ کھیلے گی۔
