یوم الحاق کشمیرکےموقع پر پیغام میں وزیراعظم شہباز شریف نے کہامسئلہ کشمیر کا اقوام متحدہ کی سلامتی کونسل کی قراردادوں کے مطابق پر امن حل ہی کشمیریوں کے حقوق اور خطے میں امن کا ضامن ہے۔ حکومت اور پاکستان کے عوام کشمیریوں کی سفارتی،اخلاقی اور سیاسی حمایت جاری رکھیں گے
وزیراعظم نےکہا کہ کشمیریوں کی لازوال قربانیوں کی جو داستان 1947 میں شروع ہوئی تھی وہ آج بھی نہ صرف جار ی وساری ہےبلکہ 10 لاکھ بھارتی فوج کی درندگی اورسفاکیت کشمیریوں کے عزم کو توڑنے میں ناکام رہی ہے۔
وزیراعظم نےمزیدکہا کہ آج کشمیریوں کی تیسری نسل بھی اپنےحق خوداردیت کےحصول کے لیے اپنے آباؤ اجداد کی طرح پرعزم ہے،دہائیوں پہ محیط غیور کشمیریوں کی غیر قانونی تسلط کے خلاف جدوجہد ان کی جذبہ حب الوطنی اور آزادی کے لیےسچی طلب کی غمازی کرتا ہے۔
صدرِمملکت آصف علی زرداری نے یوم الحاقِ پاکستان پر پیغام میں کہا 19جولائی1947 کو کشمیرکے غیور عوام نےپاکستان کےساتھ الحاق کی تاریخی قراردادمنظورکی،یوم الحاق پاکستان کشمیری عوام کی اجتماعی سوچ اور پاکستان سے فطری ودائمی رشتے کی روشن علامت ہے۔
