ایشیا کپ کے بعد جونیئر ہاکی ٹیم کی ورلڈ کپ میں شرکت پر سوالیہ نشان لگ گیا۔
ذرائع کے مطابق پاکستان جونیئر ہاکی ٹیم کو بھی بھارت جانے کی اجازت نہیں دی جائے گی، پی ایچ ایف کو جونئیر ہاکی ورلڈ کپ کے حوالے سے بھی آگاہ کردیا گیا۔
پی ایچ ایف کو بتا دیاکہ موجودہ صورتحال میں رواں برس کوئی ٹیم بھارت نہیں جائے گی، پاکستان ہاکی فیڈریشن اب اس حوالے سے باضابطہ اعلان کرے گی۔ جونیئر ہاکی ورلڈ کپ 28 نومبر سے 10 دسمبر تک بھارت میں کھیلا جانا ہے۔






















