انڈونیشیا کے جزیرے تانمبار میں خوفناک زلزلہ محسوس کیا گیا، ریکٹر اسکیل پر زلزلے کی شدت 7 ریکارڈ کی گئی۔ ملائیشین زلزلہ پیما مرکز کے مطابق زلزلے کا مرکز سطح زمین سے 10 کلومیٹر گہرائی میں تھا، فی الحال کوئی سونامی وارننگ جاری نہیں کی گئی۔
غیرملکی میڈیا رپورٹس کے مطابق انڈونیشیا کے جزیرے تانم بار میں مقامی وقت کے مطابق 2 بج کر 49 منٹ پر شدید زلزلہ محسوس کیا گیا۔
رپورٹ کے مطابق زلزلے کی ریکٹر اسکیل پر شدت 7 ریکاڑڈ کی گئی، جس کے بعد لوگوں میں خوف و ہراس پھیل گیا۔
یو ایس جی ایس کے مطابق زلزلے کی گہرائی 65 کلو میٹر تھی جبکہ اس کا مرکز سمندر میں تھا تاہم اب تک سونامی وارننگ جاری نہیں کی گئی۔
غیر ملکی میڈیا کے مطابق تاحال کسی جانی یا مالی نقصان کی اطلاع نہیں ملی، انڈونیشیا کے مختلف علاقوں میں گزشتہ 24 گھنٹوں کے دوران زلزلے کے 4 جھٹکے محسوس کیے جاچکے ہیں۔
