جاپان نے انڈر 18 ایشیا کپ ہاکی 2025 کے فائنل میں پاکستان کو 3-0 سے شکست دے کر ٹائٹل اپنے نام کر لیا۔
اتوار کو دازہو کے نیشنل ہاکی ٹریننگ سینٹر میں کھیلے گئے میچ میں جاپان نے دوسرے کوارٹر میں یوما فوجیوارا کے گول کے ذریعے برتری حاصل کی جو انہوں نے ساتویں منٹ میں اسکور کیا۔
تیسرے کوارٹر میں فوجیوارا نے 38 ویں منٹ میں ایک اور گول داغ کر جاپان کی برتری 2-0 کر دی۔
میچ کے آخری لمحات میں تاتسواکی یاسوئی نے پینلٹی کارنر کے ذریعے تیسرا گول کر کے جاپان کی فتح کو یقینی بنایا۔
پاکستان نے میچ کے آغاز میں جارحانہ کھیل پیش کیا اور پہلے کوارٹر میں گول کرنے کے متعدد مواقع بنائے، لیکن جاپانی دفاع نے انہیں کامیابی سے روکے رکھا۔
پاکستان نے ٹورنامنٹ میں شاندار کارکردگی دکھائی تھی اور ہانگ کانگ کو 8-0، سری لنکا کو 9-0، بنگلہ دیش کو 6-3 اور چین کو 2-1 سے شکست دی تھی۔
سیمی فائنل میں پاکستان نے ملائیشیا کے خلاف سنسنی خیز مقابلے کے بعد پینلٹی شوٹ آؤٹ میں 4-3 سے کامیابی حاصل کی تھی۔
تاہم فائنل میں جاپان کے ہاتھوں پاکستان کو شکست کا سامنا کرنا پڑا۔
