ایشین کرکٹ کونسل کی میٹنگ 24 جولائی کو ڈھاکا میں شیڈول ہے لیکن بھارت نے ڈھاکا میں میٹنگ میں شرکت سے انکار کر دیا۔
بھارتی میڈیا کے مطابق بھارتی بورڈ نے اے سی سی کو وینیو تبدیل کرنے سے متعلق باضابطہ بتا دیا، میٹنگ دوسرے وینیو منتقل نہ کی تو بھارتی بورڈ میٹنگ سے دستبردار ہو سکتا ہے۔
بھارتی میڈیا کے مطابق بھارتی بورڈ کا بنگلادیش میں سیاسی صورتحال کے باعث وہاں جانا مناسب نہیں، بھارتی بورڈ اگست میں بنگلادیش میں سیریز بھی ملتوی کر چکا ہے۔
ایشیا کپ کے لیے 3 وینیوز کو متبادل پلان کے طور پر رکھ لیا گیا، بھارتی کرکٹ بورڈ کو حکومت کی جانب سے ہدایت کا انتظار ہے، پاک بھارت میچ کی غیر یقینی صورتِ حال کی وجہ سے ایشیا کپ پر خدشات کے بادل چھائے ہوئے ہیں۔
بھارت ایشیا کپ کا میزبان ہے، مجوزہ شیڈول کے مطابق میزبان یو اے ای ہو سکتا ہے، ایشیا کپ کا آغاز 5 ستمبر سے ہو گا جبکہ پاک بھارت میچ 7 ستمبر کو رکھا گیا ہے۔
رپورٹ کے مطابق بھارتی بورڈ کو اگر حکومت کی جانب سے اجازت نہیں ملتی تو بھارتی بورڈ اس ونڈو میں ملٹی نیشن ٹورنامنٹ کا انعقاد کر سکتا ہے۔
