ایبٹ آباد میں جنسی زیادتی کا شکار 14 سال کی گھریلو ملازمہ اسپتال میں دم توڑ گئی۔
ایبٹ آباد کے علاقے حبیب اللہ کالونی میں جنسی زیادتی کا شکار 14 سال کی گھریلو ملازمہ اسپتال میں دم توڑ گئی۔ معصوم لڑکی 7 ماہ سے ملزم حارث کے گھر ملازمت کر رہی تھی۔
والد کے مطابق اسے مسلسل جنسی تشدد کا نشانہ بنایا جارہا تھا، حالت بگڑی تو اسپتال لائے مگر وہ جانبر نہ ہوسکی۔
ایوب میڈیکل کمپلیکس میں کیے گئے پوسٹ مارٹم میں جنسی زیادتی کی تصدیق ہوگئی، بچی کے جسم پر تشدد کے واضح نشانات تھے، ڈاکٹرز نے انکشاف کیا ہے کہ بچی کو نہ صرف جنسی تشدد کا سامنا تھا بلکہ کھانا پینا بھی فراہم نہیں کیا جارہا تھا۔
ڈی ایس پی سراج احمد کے مطابق ملزم حارث کو گرفتار کرکے مقدمہ درج کرلیا گیا ہے، پوسٹ مارٹم کے بعد بچی کی لاش والد کے حوالے کر دی گئی۔
