اسلام آباد اور لاہور سمیت ملک کے مختلف شہروں میں طوفانی بارش سے نشیبی علاقے زیرآب آگئے۔
اسلام آباد اور راولپنڈی میں صبح سویرے طوفانی بارش کے باعث درخت اکھڑ گئے۔ کہوٹہ میں گھرکی چھت گرنے سے ملبے تلے دب کر بچہ جاں بحق ہوگیا۔ امدادی ٹیموں نے ماں باپ سمیت 4 افراد کو ریسکیو کرلیا۔
سید پور گیجنگ اسٹیشن پر سب سے زیادہ 131 ملی میٹربارش ریکارڈ کی گئی۔ نالہ لئی میں کٹاریاں کے مقام پر پانی کی سطح 15 فٹ تک بلند ہوگئی۔
لاہور سمیت پنجاب کے مختلف شہروں میں بادلوں کی گھن گرج سے موسم خوشگوار ہوگیا۔ گرمی کا زور ٹوٹ گیا ۔ متعدد علاقوں میں بارش کا جمع ہوگیا، نکاسی آب کےلئےاقدامات جاری ہیں۔
جہلم، منڈی بہاؤالدین اورگجرات میں بھی بادل برسے، کئی شہروں میں اربن فلڈنگ کا خدشہ ہے۔ پی ڈی ایم نے الرٹ جاری کردیا۔
محکمہ موسمیات کے مطابق گرج چمک کے ساتھ بارش برسنے کا سلسلہ دن بھر جاری رہے گا، بارشوں کا یہ سپیل سب سےطاقتور ہے، اربن فلڈنگ ہو سکتی ہے۔
