آج رات ملک کے بیشتر علاقوں میں موسم گرم اور حبس زدہ رہے گا جبکہ بالائی علاقوں میں چند مقامات پر بارش کا امکان ہے۔
محکمہ موسمیات کے مطابق آج رات کشمیر، شمال مشرقی پنجاب، خطہ پوٹھوہار، خیبر پختونخواہ، جنوب مشرقی سندھ اور شمال مشرقی اور جنوبی بلوچستان میں چند مقامات پر تیز ہواؤں اور گرج چمک کے ساتھ بارش کی توقع ہے۔
اس دوران کشمیر، شمال مشرقی پنجاب، خطہ پوٹھوہار اور بالائی خیبر پختونخواہ میں بعض مقامات پر تیز اور موسلادھار بارش بھی ہوسکتی ہے۔
دوسری جانب آج سب سے زیادہ درجہ حرارت نوکنڈی میں 48 ڈگری سینٹی گریڈ ریکارڈ کیا گیا۔
اسلام آباد میں 38، لاہور میں 39، پشاور میں 34 جبکہ کوئٹہ میں 41 ڈگری سینٹی گریڈ ریکارڈ کیا گیا۔
