پاکستان ریلوے نے لاہور سے کراچی جانیوالی دو ٹرینیں منسوخ کردیں، دو ٹرینوں کی روانگی تاخیر سے ہوگی۔
پاکستان ریلوے کے ترجمان کے مطابق لاہور سے کراچی جانے والی بزنس ایکسپریس اور شاہ حسین ایکسپریس کی روانگی منسوخ کردی، دونوں ٹرینوں کے مسافروں کو دیگر ٹرینوں میں ایڈجسٹ کیا جائے گا۔
ترجمان کے مطابق کراچی جانیوالی دیگر ٹرینوں کی آمد و رفت تاخیر کا شکار ہے، قراقرم ایکسپریس ڈھائی گھنٹے کی تاخیر سے ساڑھے 5 بجے جبکہ گرین لائن 2 گھنٹے کی تاخیر سے رات 11 بجے روانہ ہوگی۔
رپورٹ کے مطابق ٹرینوں کی آمد و رفت میں خلل میرپور ماتھیلو میں مال گاڑی کی بوگیاں اترنے کے باعث ٹرین کا متاثر ہونا بتایا جارہا ہے۔
