سیکیورٹی فورسز کی دو مختلف کارروائیوں میں بھارتی حمایت یافتہ 30 خوارج ہلاک ہوگئے۔
پاک فوج کے شعبہ تعلقات عامہ آئی ایس پی آر کےمطابق شمالی وزیرستان میں پاک افغان سرحد پرفتنہ الخوارج کےدہشت گردوں نےدراندازی کی کوشش کی،سیکیورٹی فورسز نےحسن خیل میں بھارتی پراکیسز دہشت گردوں کی نقل و حرکت کا پتہ لگایا۔
سیکیورٹی فورسز کی مؤثرکارروائی میں بھارتی حمایت یافتہ 30 خوارج مارے گئے،دہشت گردوں کے قبضے سے بھاری مقدار میں اسلحہ اور گولا بارود برآمد ہوا ہے۔
آئی ایس پی آرکا کہنا ہےکہ سیکورٹی فورسز نےغیرمعمولی پیشہ ورانہ مہارت کامظاہرہ کرتے ہوئےممکنہ تباہی روک لی،افغان حکومت پاکستان کیخلاف غیرملکی پراکیسزکواپنی سر زمین استعمال کرنےسےروکے، پاک فوج ملکی دفاع اوربھارتی اسپانسرڈ دہشتگردوں کے خاتمےکیلئے پُرعزم ہیں۔
شمالی وزیرستان میں بھارتی حمایت یافتہ 30 خوارج کی ہلاکت پر وزیراعظم نے دہشت گردوں کی دراندازی ناکام بنانے پر سیکیورٹی فورسز کو خراج تحسین پیش کیا ہے۔
وزیراعظم شہبازشریف نےکہاملک کی حفاظت کے لئےپاکستان کی بہادر افواج سیسہ پلائی ہوئی دیوار کی طرح کھڑی ہیں،پوری قوم سیکیورٹی فورسز کو سلام پیش کرتی ہے،ملک سے ہرقسم کی دہشت گردی کے مکمل خاتمے کے لئے پر عزم ہیں۔
