امیدوار میئر نیویارک زہران ممدانی کا کہنا ہے کہ نریندر مودی کو اُسی نظر سے دیکھنا چاہیے جس طرح ہم نیتن یاہو کو دیکھتے ہیں، بھارتی وزیراعظم بھی ایک جنگی مجرم ہے۔
زہران ممدانی نے ایک انٹرویو میں کہا کہ نریندر مودی گجرات میں مسلمانوں کے قتلِ عام میں ملوث تھے، میں گجرات کا مسلمان ہوں،میرا پورا خاندان مسلمان ہے، مجھے گجراتی مسلمان ہونے پر فخر ہے۔
واضح رہے کہ زہران ممدانی نے حالیہ پرائمری انتخابات میں سابق گورنر اینڈریو کومو کو شکست دی، اور اب وہ نیویارک سٹی کے پہلے مسلمان میئر بننے کے قریب ہیں۔ ان کی جیت کو امریکہ میں مسلم کمیونٹی کے لیے تاریخی موڑ سمجھا جا رہا ہے۔
زہران ممدانی نیویارک میں فلسطینی عوام کے کھلے حامی اور اسرائیلی پالیسیوں کے ناقد سمجھے جاتے ہیں۔ انہوں نے "اسٹوڈنٹس فار جسٹس ان فلسطین" تنظیم کے کالج چیپٹر کی بنیاد رکھی اور 2023 میں جنگ بندی کے حق میں وائٹ ہاؤس کے سامنے بھوک ہڑتال بھی کی۔
