فلپائن کےعلاقے ناموک میں 6.3 شدت کے زلزلے کے جھٹکے محسوس کیے گئے ہیں۔
امریکی جیولوجیکل سروے (یو ایس جی ایس) نے اطلاع دی ہے کہ زلزلے کا مرکز ناموک سے 73 کلومیٹر شمال میں تھا۔
ابتدائی نتائج کے مطابق 41.3 کلومیٹر کی گہرائی میں آنے والے 6.3شدت کے زلزلے میں کوئی جانی و مالی نقصان نہیں ہوا۔
اس سے قبل جون میں ملک میں 6.2 شدت کا زلزلہ آیا تھا۔
فلپائن دنیا کے سب سے زیادہ زلزلے کے لحاظ سے سرگرم ممالک میں سے ایک پیسفک سیسمک زون میں واقع ہےجسے رنگ آف فائربھی کہا جاتا ہے۔
